Calidade e innovación

O departamento de Calidade e Innovación cuxa xefatura é exercida pola profesora Argentina Otero Santiago está composto polas xefaturas dos departamentos do centro integrado e ten como principais competencias as relacionadas a continuación:

• Garantir o desenvolvemento do plan de xestión de calidade e mellora continua no funcionamento do CIFP Carlos Oroza.
• Dirixir e coordinar as actividades referidas á innovación educativa e tecnolóxica, así como proxectos de investigación, e a súa transferencia nos procesos empresariais e nas súas aplicación didácticas..
• Realizar o seguimento do plan de actividades de formación do profesorado.
• Organizar o mantemento do equipamento do centro relacionado coas tecnoloxías da información.

No eido da calidade, este departamento da soporte ao desenvolvemento no noso centro do sistema de calidade da “Rede de centros integrados de formación profesional de Galicia”, dando resposta ás dúbidas relacionadas co sistema e tratando de cumprir cos indicadores de calidade establecidos para cada procedemento.    

Dentro deste departamento inclúense as seguintes coordinacións:

• Programas internacionais, coordinado polo profesor Francisco Orge Lorenzo, que fomenta os proxectos de colaboración con outros centros, entidades e asociación dentro e fóra do noso país.

• TIC, coordinado pola profesora Ana Area Gómez, que colabora no desenvolvemento dos recursos tecnolóxicos do centro fomentando a participación do profesorado e establece relación coas administración, empresas e institucións para o desenvolvemento de actividades ou proxectos relacionados coas novas tecnoloxías.

• Innovación e formación do profesorado, coordinado pola profesora Teresa Fernández Casal, que establece relación con administracións, empresas e institucións para o desenvolvemento de proxectos de I+D+I e recolle as necesidades de formación do profesorado, potenciando as estadías formativas deste en empresas relacionadas coa familia profesional á que pertenzan.