V Edición do Campionato de Sumillería Suso Domínguez

O pasado xoves, 1 de marzo, celebramos o noso quinto campionato de sumillería Suso Domínguez, que tiña un sabor moi especial:
O sabor da lebranza ao noso compañeiro Suso.
O sabor do viño galego co remate do noso percorrido polas DO galegas na DO Valdeorras, que brindounos todo o apoio e agarimo que necesitábamos para levar a cabo esta edición.
O sabor da sumilleria profesional, cun xurado dun nivel nunca acadado.
O sabor do futuro da sumillería, cuns participantes motivados e entregados.
O sabor do traballo de todo o profesorado e alumnado do noso centro, que durante moitas xornadas fixeron os preparativos para poder ser uns bos anfitrións.
Por eses sabores, que tanto nos gustan e tanto nos motivan, voltaremos nunha nova edición chea de novidades e de sorpresas, confiando en contar con todos os que ano tras ano nos acompañades, unha vez máis.