O alumnado de segundo curso dos Ciclos que este ano rematan a súa formación no CIFP Carlos Oroza, tivo a oportunidade de asistir á xornada “Claves para o desenvolvemento profesional” impartida por Nacho León e organizada polo departamento de Formación e Orientación Laboral.

Algunha das verdades que transmitiu o poñente foi que “con traballo, esforzo e dedicación non se logran os nosos obxectivos, pero sen eles é imposible”. Tamén destacou a necesidade de traballar no ámbito das nosas relacións persoais e na capacidade de escoita.

Unha xornada na que os alumnos e alumnas aprenderon que o establecemento de metas, a capacidade de esforzo, as habilidades sociais e a diferenciación de cadaquén, acercarannos a acadar as nosas metas profesionais e persoais.

Fotos da xornada.

IMG-20151212-WA0003

Nacho León, durante a xornada.