Autor: Admin

Pilar Picas, artista, licenciada en Belas Artes e especializada en alfabetización visual, fixo unha achega ao alumnado a unha serie de coñecementos específicos ao respecto do tratamento das imaxes na presentación de traballos: que é a retícula, a distorsión, o horror vacui, a resolución nunha fotografía, etc.
Tal e como ela comentaba, hoxe en día temos unhas ferramentas nas nosas mans con comandos moi intiutivos, que nos fan pensar que todo é moi doado, e para o que non se require de formación. Pero iso non é certo, e aínda que non sexamos especialistas no mundo da imaxe, si debemos tentar presentar a documentación dentro dunhas pautas básicas que aporten unha mensaxe clara, e que ao espectador e cliente do eido do turismo e a hotalaría lle dea unha imaxe profesional e coidada, alén de facilitar a tarefa ao alumnado e futuros profesionais do sector, que aprenderon sobre o necesario de aplicar filtros de criterio na ollada e no deseño. Grazas Pilar por compartir connosco a túas experiencias.

No obradoiro realizado pola asociación “Nós Mesmas” convidouse ao alumnado e profesorado a reflexionar sobre as diferentes e diversas maneiras de sentírmonos como persoas, achegando realidades estigmatizadas por parte dalgunhas persoas da sociedade.
O obxectivo desta formación é tanto o de visibilizar todas as diversidades como o de erradicar o bullying e rexeitamento da mocidade LGTBI que tanta dor e suicidios ten provocado.
A integración destes temas supón unha oportunidade para educar tanto na educación emocional coma nos aspectos que conforman a nosa sexualidade, asuntos moitas veces obviados no eido educativo e sobre os que a mocidade soe buscar respostas e información pola súa conta.
No CIFP Carlos Oroza estamos convencidos de que incorporar e incluír a diversidade nas ensinanzas prevén a discriminación, apoiando e impulsando a visibilidade e respeto entre persoas, o que sen dúbida é o mellor antídoto para os discursos de odio e unha garantía para unha sociedade xusta, empática, e que respalda o respeto á integridade física, moral, e psicolóxica da cidadanía, sen dúbida valores que acompañan ao que debe ser a esencia dun centro educativo e das sociedades máis avanzadas. Grazas por axudarnos a #Aprenderfacendo.

Tivemos o prazer de realizar obradoiros para romper os mitos de amor romántico, impartidos polas Técnicos de igualdade, Mar Rodríguez e Rita Pérez. Algúns dos obxetivos acadados foron: aprender a identificar os diferentes mitos de amor romántico que tanto perxudican sobre a concepción do amor e plantexarse que cousas non nos gustan das relacións en parella e que podemos facer para fomentar o bo trato. Grazas pola vosa implicación e por axudar a #Aprenderfacendo.

Disfrutamos da presenza de Montserrat Rodríguez Arribas, Técnica Superior en Promoción e Igualdade de Xénero. que nos realizou un obradoiro sobre o acoso sexual e por razón de sexo, coa fin de formar ao alumnado que en breve se incorporará ao eido laboral, de tal maneira que tomen conciencia e adquiran ferramentas e mecanismos para facerlle fronte, alén de coñecer a lexislación que ampara o dereito das persoas.
Estas charlas enmárcanse dentro do Plan de Igualdade do CIFP Carlos Oroza e do Pacto de Estado contra a violencia de xénero.
#Aprenderescotitando. Moitas grazas pola colaboración e organización. Seguimos traballando.

Grazas a todos podemos axudar mercando Auara ,auga para cambiar o mundo, conseguindo que outras persoas teñan acceso á auga potable. Trátase dunha empresa social, que traballa o reciclaxe. 700 millóns de persoas no mundo carecen de auga potable, grazas as nosas colaboracións podemos axudar a que se mellore a situación. O acceso á auga potable supón: reducción de enfermidades, acceso á hixiene, reducción de fame, escolarización infantil e independencia da muller. Agora a empresa Pascual axuda a AUARA a chegar mais lonxe distribuindo os seus produtos a nivel nacional para finalizar proxectos que leven auga potable a mais de 100.000 persoas nos próximos anos. #Aprenderaxudando.

Participación activa e solidaria axudando na recollida e reparto de alimentos, accións que enriquecen a todos polas gañas de por un grao de area para colaborar con persoas desfavorecidas nestas datas tan especiais, sempre rodeados dos nosos colegas e das nosas familias. #Axudarfacendo. Grazas por estar ahí.

Acudimos a disfrutar da noite Vella agasallados polo alumnado de Cociña presencial e Dual. Disfrutamos dos pratos saudables cómo Xilda tradicional da Horta Oroza, Castaña de Galicia IXP e Mignardises entre outros. Ademais ó ritmo das campás tomamos as tradicionáis uvas para celebrar o Ano Novo. Menuda Gala de Fin de Ano. Grazas polo voso esforzo.

Unha moi boa iniciativa levada a cabo polo alumnado e profesorado de CB de cociña e restauración, os días 11,12 e 13 de decembro na entrada do centro poderánse depositar alimentos saúdables. Grazas a todas as persoas polas súas aportacións.#Aprendendosaúde.

As infusións feitas con herbas da nosa horta nos sorprenden cada día e nos transportan a un campo con diferentes sabores e olores moi agradables. #Aprenderdegustando e coñenecedo as propiedades das infusións.

Podemos coñecer e disfrutar mellor dos atractivos da nosa terra a través da acollida, información, asesoramento e coñecementos mostrados polo alumnado de 2º de guía, xa qué desde agora farán prácticas reais para dar a coñecer o turismo en Galicia. Desexamos que nos visitedes os mércores nos recreos. Animádevos!